HABAL-habal drayber nga wanted sa kasong murder nasikop sa kapulisan niadtong Dominggo sa hapon, Nobiyembre 4, 2019, sa Barangay Pitalo, lungsod sa San Fernando.

Si Roger Doncillo, alyas Raul Doncillo, 41, lumad nga taga Sitio Hagnum, Brgy Lusaran, Siyudad sa Sugbo, nitago sa Sitio Kiwkiw, Brgy. Pitalo human pasakai ug malutsi og warrant sa kasong murder.

Siya giakusahang nipatay kang Eddie Wagas, taga Sityo Masaba, Barangay Tagbao, Dakbayan sa Sugbo, niadtong 2017.

Hiniusa nga pwersa sa City Force Mobile Company (CMFC) nga gipangulohan ni Police Lt. Col. Randy Korret ug San Fernando Police Station, maoy nidakop kang Doncillo.

Si Doncillo dunay kasong murder nga walay gi rekomendat nga piyansa sa sala ni Judge Estela Alma A. Singco, presiding Judge sa Branch 12 sa Regional Trial Court (RTC) Siyudad sa Sugbo.

Matod ni Korret nga gawas sa kasong murder, gitumbok usab si Doncillo nga usa ka gun-for-hire. (BBT)