ILUBONG na si Kis Katy Ramos, 21, kagahapon, Abril 21, sa sam-ang sa Barangay Pardo, dakbayan sa Sugbo.

Si Ramos mo-graduate unta ning Hunyo sa kursong BS Psychology apan gipusil-patay uban ni John Michael Hermoso, 29, tag-iya sa Good Cup Coffee Company sa F. Ramos St. niadong Abril 11, dihang hapit na mosira ang estabilisemento. Ang naulahi gilubong na usab niadong Miyerkules Santo, Abril 1.

Atol sa hitabo, duha usab ang angol nga kawani.

Sa paglubong ni Ramos, panawagan sa hustisya ang nilanog gikan sa pamilya g mga higala. Si Bong Abela, managing partner sa Good Cup Coffee Company ug tigpamaba alang sa mga biktima, nagkanayon sa SunStar Cebu nga ang mga awtoridad nagtipon pa sa mga ebidensiya aron pagtumbok sa mamumuno.

Ang awtoridad nagsusi karon sa tanang anggulo sa motinbo sa pagpatay sa duha lakip na ang love triangle ug negosyo. (SunStar Cebu)