ADUNAY igo nga dokumento ug nasubay sa husto nga proseso ang pag-donate sa 566 metro kwadrado nga yuta sa barangay Inayawan ngadto sa Philippine National Police para maoy tukoran sa bag-ong police station.

Kini ang gipadayag ni Konsehal Joel Garganera, chairman sa Police Advisory Council ( PAC), agig reaksyon sa pamahayag ni Barangay Kapitan Bryan Repollo kinsa maoy nipildi kang kanhi Kapitan Lotlot Ignacio, kansang administrasyon maoy naghatag sa yuta.

Ang PAC hugtanong nisuporta sa lakang sa Police Regional Office (PRO) 7 ug Cebu City Police Office aron matukod na ang maong edepisyo sa lugar nga gilatid sa barangay resolution sa panahon nilang Ignacio-Soon kansang P5 milyones nga budget gikan sa Philippine National Police.

“As a chairperson of PAC we are supporting the move of the PRO7 and CCPO to push through the construction. It’s a long overdue project in fact we already had the ground breaking in the area last April,” padayag ni Garganera.

Sa interbyu sa Superbalita Cebu kang Repollo, ang kapitan sa Inayawan niingon nga way dokumento nga nagpamatuod nga gi-donate ang 566 square meters.

“Sa ilang barangay resolution niingon sila nga mag-donate sila og yuta then nahibong nalang mi nga walay barangay resolution nga naghatag og gi-authorize sa Sangguninag Barangay ang barangay captain (Lotlot) to enter and sign sa deed of donation,” padayag ni Repollo. PAC