USA ka lalaki ang gipusil-patay sa Barangay Panubigan, Dakbayan sa Canlaon, Negros Oriental pasado alas 3 sa hapon, Dominggo, Hulyo 28, 2019, ang ika-17 nga biktima sa sunod-sunod nga insidente sa pagpamusil-patay sa maong probinsya.
Nahitabo ang pagpamusil duol sa merkado publiko sa Barangay Panubigan, Dakbayan sa Canlaon.
Sa pagsulat ning balita, giila pa sa kapulisan ang pagkatawo sa biktima.
Gisubay sa kapulisan kon kinsa ang mamumuno ug kon unsa ang motibo sa maong krimen.
Nasayran nga ang direktor sa Police Regional Office Central Visayas Police Brigadier General Debold Sinas anaa sa Negros Oriental ug nakigtagbo sa kadagkuan sa Negros Oriental Provincial Police Office tungod sa sunod-sunod nga patay. (Superbalita Cebu)
[Kini nga balita nag-update pa. Mamahimong i-refresh ang page o mobisita sa www.sunstar.com.ph alang sa lab-as nga mga balita]