Lola gitulis sa duha ka lalake nga nagsakay sa motorsiklo sa Purok 3, Brgy. Upper Binaliw, dakbayan sa Danao, alas 7:00 sa gabii sa Sabado, Disyembre 11.

Si Merna Dayon, 68, nagpuyo sa nahisgutang lugar, nangayog abag sa kapulisan human tulisan.

Si Police Senior Master Sgt. Raymond Bacordo, imbestigador sa Danao Police Station, nagkanayon nga ang biktima diha sa sala sa balay ug gitawag sa duha ka mga lalake.

Nigawas siya ug pag-abli sa pultahan, kalit nga gibunlot dayong gitabunan iyang baba, ug gisultian nga dili mosinggit kay gitionan og armas.

Gikuha sa mga tulisan ang mga importante nga dokumento lakip sa P17 mi cash diha sa bag ug ang iyang gold necklace.

Misibat ang suspek sakay sa nagpaabot nga motorsiklo.

Ang bana sa biktima migukod sa mga tulisan apan gipusil kini hinungdan nga nitago.

Usa sa mga tulisan gihulagway nga nag-t-shirt sa kolor itom, nagkawo og puti. Ang laing usa nagsul-ob sa kolor itom nga t-shirt ug naka-face mask.