WALAY girekomenda sa korte nga piyansa sa usa ka lolo nga mag-uuma nga nadakpan sa mga sakop sa Regional Intelligence Division (RID)-7 pasado alas singko sa buntag niadtong Dominggo, Marso 29, sa Sityo Himatugan,Bara ngay Tungkay, dakbayan sa Toledo gidakop tungod sa papgpananom og marijuana sa naasoy nga dapit.

Sila si PCapt.Romeo Caacoy Jr.ug PCpat. Jeoffry Grande mao ang nangu sa maong pagdakop kang Alejandro Cabana, 60, ug molupyo sa maong dapit.

Si Cabana nalutsan og warrant of arrest sa kasong pagpananom ug mga marijuana nga kalapasan sa Seksyon 16 sa akta Republika 9165 nga walay girekomenda nga piyansa.

Si .Judge Hermes Montero sa Branch 59 sa Toledo City maoy niisyu sa maong warrant of arrest nga gimanduan ang tinugyanan sa pag dakop kang Cabana.

Matud ni Caacoy atol sa maong pagdakop nakuhaan usab si Cabana og armas nga .38 revolver sa iyang posisyon nga maoy madugang sa iyang dugang kaso sa armas nga walay lisensiya. (BBT)