UWAHI nga pagpangisda sa usa ka 42-anyos nga mananagat human siya naigo sa kilat sa lawod sa dakbayan sa Lapu-Lapu niadtong Sabado sa gabii.

Ang biktima naila nga si Danilo Cañete Cagang, 42, taga Purok Camote, Barangay Calero, lungsod sa Liloan.

Si Cagang nakit-an sa laing mananagat nga giila nga si Arnold kinsa nakakita nga naigo sa kilat si Cagang samtang nanagat kini sa iyang bangka.

Matod ni PO3 Marvin Saraum, sa Lapu-Lapu City Police Homicide Section nga diha gidala si Cagang sa baybayon sa Sitio Apro, Barangay Ibo, Lapu-Lapu alas 8 sa gabii.

Wala na kini’y kinabuhi dihang nadala sa tambalanan.

Nasayran nga wala’y kauban ang biktima ug nakit-an lang ni Arnold nga naigo sa kilat diin dali nga gidala sa baybayon. (HBL)