SUKAD pa sa Oktubre 25, Biyernes, hangtod sa Nobyembre 4, Lunes, gipaubos sa heightened alert status ang Mactan Cebu International Airport (MCIA).

Kini aron pagpreparar sa bagang bul-og sa mga pasahero nga modagsa sa tugpahanan aron pag-uli sa ilang tagsa-tagsa ka mga probinsya alang sa Kalag-Kalag.

Gumikan niini, nagmuntar na ang kadagkuan sa tugpahanan ug mga help desk sa Terminal 1 ug 2 nga moatiman sa mga pasahero lakip na ang ilang mga reklamo ug mga suhestyon.

Gilangkoban kini sa mga MCIAA airport police, medical staff ug responder sa Crash and Fire Division, kapulisan ug customer service executives.

Ang Mactan Cebu International Airport Authority MCIAA ug GMR megwadie Cebu Airport Corporation GMCAC mipahibawo nga gidunganag na ug mga K9 roving patrol ang tugpahanan aron masiguro ang kaluwasan unya sa mga pasahero.

Alang sa mga Overseas Filipino Worker OFW nga mogikan usab sa tugpahanan nagpahimutang usab ang kadagkuan sa tugpahanan ug mga representante sa Philippine Overseas Emoloyment Administration POEA aron masigurong dunay makaatiman kanila kun ugaling adunay mga kakulian sa ilang pagbiyahe gawas sa nasod.

Gipaniguro usab nga way kakulian sa mga kahimanan sa tugpahanan sama mga Comfort Rooms CR, airconditioned unit, drinking fountain ug Wifi.

Gipahimangnoan usab ang mga pasahero sa dili pagoataka ug bilin sa ilang mga gamit aron kalikayan ang pagkalipat niini sa kadaghan sa mga pasahero.

Aron pagsiguro nga maprotehian ang mga pasahero sa mga abusadong drayber ang kagadakuan sa tugpahanan mang apud-apod ug complaint slip sa mga pasahero sa mga taxi diin mahimo silang mopadangat sa ilang reklamo. (CGM, HBL)