PATAY ang usa ka panday nga nag-ayo sa atop human nakuryentihan alas 5:45 sa hapon sa Biyernes, Agusto 14, 2020 sa Bargy. Upper Poblacion, lungsod sa Pilar, Isla sa Camotes.

Si Alexander Tanza, 47, panday, dunay kapuyo sa nahisgutang lugar, namatay diha-diha.

Si Police Staff Sergeant Florante Doria sa Pilar Police Station nga nahinabi sa Superbalita Cebu nagkanayon nga si Tanza nag-ayo sa atop sa balay sa ilang silingan.

Gikatahong dunay linya sa kuryente sa atop nga live direkta sa poste sa Camotes Electric Cooperative (CELCO). (GPL)