HINGPIT nga gipasira sa kagamhanan sa Dakbayan sa Lapu-Lapu ang QQ English, usa ka online school nga nahimutang sa Barangay Maribago.

Dali nga mihimo og operasyon si Mayor Junard Chan sa maong establisemento Miyerkules sa udto, Abril 1, 2020, human nga nakadawat og tawag reklamo diha sa ilang hotline.

Nasuta nga adunay 500 ka mga magtutudlo ang diha sa sulod nga wa magtamod sa social distancing, ingon man ang paglapas sa executive order sa mayor sa dihang mi-epekto ang enhanced community quarantine.

Ang city legal officer nga si Atty. James Sayson nibutyag nga way business permit ang maong establisemento alang sa tuig 2020. (FVQ)