MALIPAYON ang pag-saulog sa Pasko sa mga empleyado sa Kapitolyo human giaprubahan sa Hunta Probinsyal sa una, ikaduha ug uwahing reading ang 40,175,000 milyones nga supplemental budget nga gamiton sa pag-apod-apod sa year-end bonuses ug incentives alang sa regular ug casual nga mga empleyado.

Lakip na niini ang P15,000 collective negotiation agreement (CNA) ug Service Recognition Incentive (SRI) nga P10,000.

Gawas sa SRI ug CNA makadawat usab ang mga empleyado sa Kapitolyo sa Productivity Enhancement Incentive (PEI) nga P5, 000 diin nalakip sa annual budget sa Probinsya karong tuiga.

Sa kinatibuk-an, mokabat sa P30, 000 ang posibleng madawat nga bonus sa mga empleyado sa di pa ang Disyembre 25 ning tuiga. (ANV)