Nibalik na sa pag apod-apud sa Dasig Sugbo cards ang Kagamhanan sa Probinsya sa Sugbo sa mga residente nga apektado sa bagyong Odette sa Disyembre 2021.

Sa Mayo 20, gipangulohan ni Cebu Governor Gwendolyn Garcia ang pag-distribute sa mga financial assistance cards sa mga kwalipikadong benepisyaryo sa lungsod sa Barili ug Pinamungajan.

Sa kinatibuk-an, moabot sa 17, 995 ka mga cards ang na distribute sa maong higayon.

Ang 11, 590 ka mga cards gi distribtte sa mga benepisyaryo sa lungsod sa Pinamungajan samtang 6, 405 ang giapod-apud sa lungsod sa Barili.

Ang matag card dunay sulod nga P3,000 hangtod sa P5,000 magdepende sa kadaot nga nahiaguman sa usa ka benepisyaryo.

Sukad sa Marso, temporaryong gisuspenso sa Kapitolyo ang pag-apod-apod sa Dasig Sugbo cards tungod sa 2022 national ug local elections.

Sa maong higayon, gidid-an sa Commmission on Elections (Comelec) ang paggasto o pagpagawas og pundo sa kagamhanan atol sa election period aron dili kini magamit sa pagpangampanya.