ANG National Grid Corporation of the Philippines (NGCP) Visayas nipahimangno sa publiko sa pagtabanog duol sa transmission power lines.

Gipasabot ni Engr. Mariano Salas Jr., Quality, Safety and Environment Specialist sa NGCP nga kung maduol sa transformers ang tabanog mao kini rason nga mo-trip ang linya sa kuryente diin automatic nga maapektohan ang pagdagan sa kuryente gikan sa generation facility paingon sa distributors niini.

Posible nga makuryentehan ang nagtanog.

Tungod ning ting-init ug weak El Niño, nipahimangno sila sa publiko niining bush fire o grass fire. (HBL)