ANG programa nga Brigada Eskwela sa Department of Education (DepEd) sa tibuok nasod naghiusa sa tanang education stakeholders sa pag-andam sa mga publikong tunghaan alang sa pag-abli sa klase.
Sa naandan, naglambigit kini sa physical cleaning, repainting ug minor repairs. Apan ubos sa bag-ong normal, ang maong mga kalihokan dili na mahitabo.
Tungod sa Covid-19 pandemic, ang Brigada Eskwela ning tuiga gitumong sa pagpadayon sa pagtuon taliwala sa krisis mugna sa virus, pinaagi sa pagpatuman sa disinfection sa mga tunghaan ug mobilization sa nag-unang panginahanglanon.
Sa pagkab-ot sa maong tumong, nanginahanglan ang DepEd Naga sa nag-unang mga galamiton sama sa thermal scanners, disinfectants, disposable surgical/face mask ug gloves, vitamins sa Deped personnel, school children ug information materials sa pagbatok sa Covid-19.
Tungod niini, ang City of Naga-DepEd Division nanawagan og pag-ayuda o tabang gikan sa publiko, indibiduwal o grupo, alang sa kaayohan sa mga tinun-an ug educators.
Kon duna kamoy dugang pangutana, mahimong mokontak kang Alexa Manna Chiong-Padron, EPS-Social Mobilization (Designate) sa (landline) 489-41-50.
Kini nga panawagan ubos sa pagtugot ni Rosalie M. Pasaol, EdD., Ceso V, schools division superintendent sa DepEd City og Naga. (PR)