Giawhag sa Provincial Disaster Risk Reduction and Management Office (PDRRMO) ang publiko nga magsusi daan sa kaligoang dapit panahon nga mopahigayon og outing.

Gipasabot ni Wilson Ramos, interim information officer sa PDRRMO, nga init ug way nasinati nga pag-uwan sa lugar atol sa pagpangaligo sa mga turista apan aduna hinuoy localized thunderstorms nga gipahibaw sa Philippine Atmospheric Geophysical Astronomical Services Administration (Pagasa).

“No major weather system was monitored such as storms but there were localized thunderstorms covering Catmon and other northern portions of Cebu,” matod ni Ramos sa Septiyembre 25.

Subay niini giawhag sa buhatan ang mga residente ug mga turista sa Sugbo sa pag siguro nga masusi daan ang mga exit points panahon nga mo tumaw ang katalagman samtang nagsuroy-suroy sa waterfalls, suba, dagat o bisan asa nga eco-tourism destination.

“Let’s always keep a presence of mind. Keep a lookout on our surroundings. For example, when you notice the water in a river or in a waterfalls gradually becomes muddy, that’s an early sign of an incoming flash flood,” matod ni Ramos.

I-DEVELOP

Samtang gibutyag usab ni Neil Sanchez, pangu sa PDRRMO, nga ang Tinobdan falls giplanohan pa nga i-develop ug pamutangan og tour guides sa lokal nga kagamhanan nga i-train usab sa Probinsya aron masiguro ang kaluwasan sa mga mosuroy sa lugar. (ANV)