PALO, Leyte - Gibuksan na sa Police Regional Office (PRO) 8 ang ilang bag-o nga Regional Health Service Infirmary, niadtong Lunes, Hunyo 17.

Ang maong infirmary nagtanyag og nagkalain laing health services alang sa mga PNP personnel, direct dependents ug pinili nga mga sibilyan.

Matod sa PRO8 nga ang maong infirmary adunay unom ka authorized bed capacity ug usa ka ambulansiya.

Nasayran nga ang mga serbisyong medikal nga gitanyag naglakip sa clinical services, family medicine, pediatrics, internal medicine, non-surgical obstetrics and gynecology.

Duna usab minor surgery, emergency services, outpatient services, ancillary and support services sama sa pharmacy ug clinical laboratory. Ang PNP-PRO8 Regional Health Service gipangulohan ni Police Lieutenant Colonel Fernando Mercado nahatagan og lisensya sa Department of Health (DOH) nga maka-operate og infirmary.

“In behalf of my RHS family, I am really grateful that we can now extend our services among our peers with their dependents and other authorized civilians. With this new development, we assure you that we are 24/7 open and ready to serve” matod ni PLCol. Mercado.

Ang maong infirmary usa ka proyekto sa PRO8 pinaagi sa DOH subay sa Universal Health Care/Kalusugan Pangkalahatan - Health Facility Enhancement Program. (JKDP)