USA si Secretary Michael Lloyd Dino, Presidential Assistant for the Visayas, sa mga gihatagan og pasidungog sa Police Regional Office (PRO) 7 atol sa 119th Police Service Anniversary Celebration niadtong Agusto 6.

Ang kasaulogan gikataho nga gihimo dungan sa nagkalainlaing buhatan sa Philippine National Police (PNP) sa tibuok sa nasod.

Si Dino giila sa PRO 7 tungod sa iyang pagsuporta sa kapulisan ning panahon ning Covid-19 pandemic.

“Plaque of Recognition is presented to Secretary Michael Lloyd Dino for the invaluable support that (he) has extended to Police Regional Office 7, as one of its stakeholders which, undeniably, has contributed to the success of PRO7’s law enforcement efforts in Central Visayas especially during COVID-19 pandemic,” sumala sa nasuwat sa plake.

Si Assistant Secretary Gerard Anthony Gonzales maoy nitambong sa naasoy nga virtual live streaming celebration sa PRO 7 nga maoy nirepresentar alang kang Dino.

Si PRO 7 regional director PBGEN Albert Ignatius Ferro ni-congratulate sa tanang awardees atol sa ilang 119th Police Service Anniversary, “This is the organization’s way of rewarding those who toil in their jobs with passion and commitment despite the odds faced in policing and community service.”

Ang tema sa kasaulogan ning tuiga, matod ni Ferro, mao ang 'Towards a Pandemic Resilient PNP' nga nagsamin sa kasamtangang sitwasyon sa nasod.

“Though our organization has flawlessly shifted with the changes of governance, policies, and generation but this pandemic has totally astounded us unprepared yet our PNP has faced it head on,” dugang ni Ferro.

Dugang niya nga kapulisan sa PRO 7 naningkamot sa pakiggubat batok sa Covid-19 ug labi na sa pagpatuman sa quarantine protocol. / PR