NIHUKOM ang Makati Regional Trial Court (RTC) Branch 148 kagahapon sa pagbasura sa gipasaka sa kagamhanan batok kang opposition Senator Antonio Trillanes IV nga pagsikop kaniya og balik bahin sa kanhi na-dismiss nang mga kaso sa iyang kalambigian sa coup d’etat.

Si Branch 148 Judge Andres Soriano nibasura sa musyon sa Department of Justice (DOJ) sa pagluwat og arrest warrant batok sa hugpit nga kritiko ni Presidente Rodrigo Duterte.

Ang samang korte nga nag-dismiss sa coup charges batok kang Trillanes niadtong Septiyembre 2011, si Soriano niinon nga ang iyang hukom “has become final and executory.”

Apan ang hukom nisangon sa Supreme Court sa pagsusi og balik sa iyang hukom.

Sa iyang hukom, si Soriano niingon nga “well-established doctrine” ug kini “final and executory judgment shall be immutable.”

Hinuon, si Soriano nipabor sa legalidad sa Proclamation 572 ni Presidente Durter nga nagbaliwala sa presidential amnesty nga gihatag ni kanhi Presidente Benigno Aquino III diin nimugna og legal nga debate apan iguyonan sa huwes. SunStar Philippines