LAGSIK pa nga senior citizens dunay kahigayonan nga makatrabaho human nakaretiro na.

Kini kon mapasar na sa Cebu City Council ang ordinansahon ni Konsehal Niña Mabatid nga kasamtangang gi-refer sa Committee on Laws alang sa dugang pagtuon.

Ang proposed ordinance ni Mabatid magdiktar sa mga kompaniya nga mo-hire og 3 porsiyento nga seniors na sa kinatibuk-ang manpower.

“It is a common knowledge that some members of this sector are still physically and mentally capable to perform tasks that some young adults perform,” tipik sa proposed ordinance ni Mabatid.

Matod ni Mabatid, ang usa ka kompaniya nga dunay 100 ka kawani, kinahanglan mo-hire og labing minos tulo ka senior citizens. (PAC)