SA TINGUHA nga mapahimuslan sa Sugboanon ang nahibiling luna South Road Properties, ang pamunoan ni Cebu City Mayor Edgardo Labella niumol og mga pamaagi aron molambo ang ekonomiya sa dakbayan.

Gitug-an ni Atty. Joey Daluz III, SRP manager nga base sa ordinansa nga gipalabang sa 14th Sanguniang Panglungsod nga kadtong tulo ka ektaryang luna gikinahanglan nga ibaligya dili mominus sa P110,000 matag metro kuwadrado.

Ang agni sa mga investor nga mo-abang sa SRP ug ang pag-reclaim sa Pond A nga adunay 60 ektaryas nga gilapdon.

Dugang pa ni Daluz nga ipadayon ang development sa 19.2 ektaryas nga napalit sa SM ug Ayala pinaagi sa consortium sanglit wala nay legal nga babag sa maong proyekto.

Tukoran sab ang SRP og public transportation terminal ug government center.

Sa pagkakaron, ang mga investor nga anaa sa SRP mao ang SM, FLI ug Robinson. (PAC)