GISUPORTAHAN sa Cebu City Council ang House Bill No. 3874 ni Deputy Speaker Pablo John Garcia nga magpapha sa P1,620 isip travel tax sa matag Pilipino nga mobakasyon sa laing nasod.

Si Konsehal Joel Garganera kinsa maoy principal author sa resolution uban ni SK Federation President Jessica Resch giaprobahan ug gibotohan sa tanang konsehal nga nitambong.

“Filipinos are required to pay travel tax from all international airports and seaports amounting to One Thousand Six Hundred Twenty Pesos (Php 1,620) which is considered as burdensome to some of our constituents,” tipik sa resolution ni Garganera.

Niadtong Agusto 4, si Garcia niduso sa maong iyang House Bill didto sa hawanan sa House of Representatives.

Ang Senate Bill 384 ni Sen. Manny Pacquiao sa susamang katuyoan nipasar na. (PAC)