Minos og gamay ang mga drayber nga nakalapas sa balaud sa trapiko sa Dakbayan sa Sugbo sa Pebrero kon itandi sa Enero ning tuiga.

Sa Pebrero, ang Cebu City Transportation Office nakaisyu og 10,152 ka citation tickets, minos og gamay sa Enero nga dunay 10,230.

Sa naandan, ang sagad sa mga kalapasan mao ang wa pagtuman sa traffic signs sama sa no stopping, no left/right turn, no parking anytime ug uban pa.

Sa Pebrero, ang buhatan naka impound og 486 ka mga motorsiklo, mas minos kon itandi sa Enero nga dunay 647 ka mga motorsiklo.

Mas daghan hinuon ang na impound nga pribadong mga sakyanan sa miaging buwan kay niabot kini og 14 samtang niadtong Enero usa lang.

Midaghan usab ang mga sakyanan nga na-clamp sa 24-hour operations sa CCTO kay nikabat kini og 512 sa Pebrero, mas daghan kay sa Enero nga niabot lang og 361.

Sa miaging buwan, ang CCTO naka file usab og 38 ka mga kaso sa korte batok sa mga nakalapas sa balaud sa trapiko nga wa nibayad sa ilang multa.