DUNA nay mas makusganon nga pag-monitor sa ilegal nga well drillers, permittees ug kadtong way mga permit nga naghinobra sa pagkuha sa tubig sa underground pinaagi sa gi-draft nga ordinansahon alang sa Water Code sa lalawigan sa Sugbo.

Si Engr. Edgar Sibonga, executive director sa Provincial Water Resources Authority (PWRA), nibutyag niadtong Disyembre sa miaging tuig naduso nila ang draft sa ordinansahon kabahin sa Water Code ngadto sa buhatan ni Provincial Board Member Thadeo Jovito Ouano, chairman sa committee on environmental conservation and natural resources.

Apan, nagsige og kauswag ang gitakda nga mga public hearing niadtong Enero ug Pebrero alang niini nga mapahigayon human na sa Mayo 13 nga piniliay.

Sigon ni Architect Socorro Atega, executive director sa Cebu Uniting for Sustainable Water (CUSW) ug usa sa mga miyembro sa PWRA, unang gitakda ang public hearing niadtong Enero 9 dayon sa Pebrero 6, apan nasibog na usab human sa eleksyon.

“We have been waiting for the public hearing pero sige lang og ka-postponed. After elections na sad kuno,” pahayag ni Atega dihang nahinabi sa mga tigbalita. (SCG)