Gipadayag sa mga representante sa upat ka teams nga magtigi sa East Asia Super League (EASL) Final Four ang ilang kahinam nga manuwa su­god karong adlawa, Biyernes, Marso 8, 2024, sa Hoopsdome sa Lapu-Lapu City.

Karong alas 5:00 sa hapon, magsangka ang South Korean teams Anyang Jung Kwan Jang Red Boosters ug Seoul SK Knights unya mosunod ang engkuwentro sa Chiba Jets sa Japan ug New Taipei Kings sa Taiwan.

Ang modaog ning sangkaa mao ang mag-abot sa finals samtang ang mga mapilde mag-ilog sa ikatulong puwesto.

Ang championship game ug inilugay sa ikatulong dapit ipahigayon karong Marso 10 sa samang venue. / JNP, ESL