Si Costas Gelaouzos maoy nahimong unang post-pandemic champion sa pagbalik sa sikat nga Athens Marathon human kini mahunong tungod sa pandemiya sa miaging tuig.
Ang Greek marathoner mitapos sa rota sulod sa 2 oras, 16 minutos ug 49 segundos kagahapon didto sa Athens, Greece aron daogon ang men’s title.
Si Panagiotis Bourikas milabni sa ikaduhang pwesto na adunay oras 2:22:33, samtang nakuha ni Haralambos Pitsolis ang ikatulong luna sa oras nga 2:24:05.
Sa laing bahin, nahimong kampiyon si Gloria-Tziovana Privilegio sa women’s division sa oras nga 2:41:30, dul-an pito ka minutos ang iyang labaw sa pinakaduol nga babaeng runner.
Adunay 9,558 ka runners ang misalmot sa maong lumba. Wa ra hinuon kini ka tunga sa 20,041 nga partisipante sa tuig 2019 sa wala pa ang outbreak sa Covid-19.