SUGDAN sa defending champion Hanchoi team ang pagdepensa sa ilang titulo karong Dominggo sa pag-abli sa 2019 Basketball Association of Tejero 40-years up First Conference sa Barangay Tejero Sports Complex, dakbayan sa Sugbo.

Kini maoy gipahibawo ni Felicisimo A. Salcedo, ang presidente sa maong asosasyon.

Gawas sa Hanchoi, pito ka laing teams ang mosuway og ilog sa kampiyunato. Kini mao ang runner-up A.C. Sports, Jackerm, BadBeat, Ygot Trucking, Tejero Archers, Therese ug Aileen team.

Ang torneyo mosubay sa single round robin elimination diin ang top four maoy mag-abot sa semifinals.

Ang modaog sa semis games ang magsangka alang sa kampiyunato.

Si Melvin Paz ang nahimong Most Valuable Player (MVP) sa niaging tuig. (PR)