GIPANGULOHAN ni Efren “Bata” Reyes ang Team Philippines sa pagbuntog sa host Chinese-Taipei, 13-10, sa 2018 Pool Classic Competition nga giulohan og Taiwan versus Philippines nga gipahigayon sa Taroko Mall sa Taichung City, Taiwan ning bag-uhay lang.

Gawas kang Reyes, kinsa gitawag sab og “The Magician,” ang ubang mga sakop sa Team Philippines mao sila si kanhi World 9-Ball champion Carlo Biado, Johann Chua, Jeffrey Ignacio ug Roland Garcia.

Mikuyog sa Team Philippines mao si Puyat Sports official Christine “Ish” Caparras.

Ang Team Philippines nakabulsa og 10,000 US$ samtang ang Chinese Taipei nakaangkon og 5,000 US$. ESL