NAHASUBO ang kalibutan sa natad sa paugnat sa kusog sa nasod karon human ang usa ka inilang sports-businessman nga si Lucio “Bong” Tan Jr. mipanaw kagahapon tungod sa sakit sa iyang utok (brain herniation).

Siya nagpanuigon og 53 anyos. Aktibo isip usa executive sa mga negusyo sa ilang pamilya, si Bong Tan maoy tag-ya sa Tanduay franchise sa Philippine Basketball Association ug sa Philippine Basketball League. Sa iyang pagbiya sa kalibutan, iya usab nabiyaan ang iyang pagkamahigugmaon sa sports.

Ang anak sa ug Jr. sa gilang business tycoon sa Pilipinas nga si Lucio Tan, sa kalit lang nakuyapan niadtong Sabado samtang nagduwa kini og basketball didto sa Mandaluyon City.

Gidali siya sa pagdala sa hospital ug gani gikataho nga anaa na sa stable ang kondisyon. Apan kagahapon, Lunes, nahunosan siya sa iyang kinabuhi.

Sa wa pa siya motaliwan, si Tan gitudlo nga presidente sa PAL Holding Inc. Usa usab siya ka golfer ug kanhi national swimmer. Nalambigit usab siya sa men’s basketball team sa University of the East nga gipanag-iya sa ilang pamilya.

Si Tan siya usab ang nag-finance sa Batangas Team sa Maharlika Pilipinas Basketball League. (JBM)