GIBUHI’G balik ni Cebuana skateboarder Margielyn Didal ang iyang panawagan nga magtukod og dugang skate parks ang Pilipinas human siya nakalangkat og gold medal sa skateboarding event sa 30th Southeast Asian Games.

Gipasabot ni Didal nga kinahanglang tutokan sa gobiyerno ang skateboarding gumikan kay ning maong event, adunay dakong poruhan nga mopatigbabaw ang Pilipinas sa tibuok kalibutan.

“Please, Philippines, wake up po tayo. Kailangan natin ng skate parks and (there will be) more medals to come,” matod ni Didal sa usa ka press conference nga napatik sa Spin.ph.

Laing Pinay nga si Christina Means maoy milabni sa silver sa women’s event. Sa men’s event, usa sab ka Pinoy nga si Daniel Ledermann ang nakabulsa sa gold medal. (ESL)