USA ka semana human siya nakasulod sa top 10 sa 42nd Milo Marathon Finals, si Joseph Emia mibalik dayon sa pagdagan ug giangkon niini ang titulo sa men’s 12-kilometer race sa JY Square Run kagahapon sa Lahug, Cebu City.

Si Emia, kinsa sakop sa Rider Omega Team, miabot sa finish line human 46 ka mga minutos ug walo ka mga segundos aron dominahon ang lumba.

Nagsunod kang Emia mao sila si 2nd placer Abelito Niez (45:49) ug 3rd placer Florentino Lapiz (49:24).

Sa women’s 12K category, si Geniecel Saballa maoy mikampiyon 53:25 unya nagsunod sila si Melody Perez (57:48) ug Azalea De Jesus (1:01:13).

Ningdaog sa men’s ug women’s 6K divisions mao sila si Ruel Algufera (21:19) ug Cherry Andrin (25:43).

Sa 3Ke, si Martil John Kevin ug Laurence Yvory Garcia ang midominar. (RSC, ESL)