Mobalik na sab og away si kanhi 5-division world champion Floyd Mayweather Jr. karong Mayo 14, 2022 alang sa usa ka 8-round exhibition batok kang Don Moore sa Burj Al Arab Hotel sa Dubai.

Si Mayweather, kinsa nag-edad na og 45, niretiro isip professional boxer nga walay pilde sulod sa 50 ka mga away nga giadurnohan og 27 ka knockouts.

Katapusan siyang niaway niadtong 2017 diin nidaog siya batok kang MMA superstar Conor McGregor pinaagi sa technical knockout.

Niadtong Hunyo 2021, nakigharong si Mayweather batok kang YouTube sensation Logan Paul sa usa ka exhibition bout.

“I am always trying to push the envelope and if something is brought to my attention that has a unique aspect to it, I am always interested,” matod ni Mayweather nga napatik sa www.boxingscene.com.

“Having a fight on the helipad of the Burj Al Arab Hotel in Dubai and the opportunity to be the star of the show is going to be something I will remember always. People all over the world can buy the PPV and watch us fight high above, almost in the sky.”