SA KATAPUSANG duha ka mga tahas sa Team Pilipinas sa 6th window sa FIBA World Cup Asian qualifiers, gipadayag ni national coach Yeng Guiao nga mas nabalaka sila sa ilang pagsulod sa Kazahkstan karong Pebrero 24.

Matod ni Guiao nga ang grabe ka tugnaw sa panahon sa maong nasod ug ang kalayo sa ilang biyahe mao ang nakapabalaka kaniya.

Sa higayon nga magduwa ang Team Pilipinas ug Kazahkstan, posibleng mokanog ang temperatura hangtod ngadto sa minus 20 degrees Celsius.

“Mahirap sabihin how big a factor it is because this is the first time that we will be in such situation as a team,” matod ni Guiao sa interbyu sa Spin.ph.

“Pinaghanda lang namin sila especially with the cold weather, gear or equipment – the heavy shoes, the jackets, the gloves.”

Giproblema sab ni Guiao ang ilang biyahe paingon sa Kazahkstan.

“Mabigat kasi walang direct flight,” pasabot ni Guiao.

“Kailangan pa naming magpunta ng Turkey. I think five hours ‘yun tapos layover ng walong oras sa Turkey. Tapos five hours uli papuntang Kazakhstan.”

Hinuon bisan pa niini, malaumon gihapon si Guiao sa ilang poruhan batok sa Kazahkstan.

Sa dili pa sila makigbatok sa Kazahkstan, ang Team Pilipinas moataki una sa Qatar karong Pebrero 21.

Nakatakdang molarga ang Team Pilipinas paingon sa Qatar ugma.

Ang Team Pilipinas kasamtangang naggunit og 5-5 nga rekord sa qualifiers ug nagkinahanglan kining modaog ning katapusan nilang duha ka mga duwa. (ESL)