PADAYON ang paglambo sa pagpaalim ni Boston Celtics forward Gordon Hayward sa angol sa iyang duha ka mga tiil nga maoy hinungdan nga wala siya nakapakita og aksyon sa miaging season sa National Basketball Association (NBA).

Si Hayward nag-post og video sa iyang Instagram account nga nagpakita kaniya nga nag-dribble, step-back jumpers, fadeaways ug pull-up jumpers.

“Working with @drewhanlen and the @puresweat guys to get back! Slowly but surely making progress day by day, week by week!” mao kini caption sa post ni Hayward.

Sa sayong bahin ning buwana, nagkanayon si Boston president of operations Danny Ainge nga nagdagandagan na’g sugod si Hayward, kinsa nakasinati sa iyang angol niadtong Oktubre 17.

“Before he left, he was running out on the basketball court. He was back to resuming basketball activities. It feels great," matod ni Ainge.

Gikan sa free agency, si Hayward mibiya sa Utah Jazz aron motapon sa Celtics alang sa 2017-18 season. (ESL)