PASAKAAN og kaso ang Amerikanhong boksidor nga si Errol Spence Jr., usa sa mga potensiyal nga ikontra ni Manny Pacquiao, tungod sa pag-drive niini bisan pa man og nakainom sa makahubog nga ilimnon sa dihang na-crash ang iyang gimanihong luho nga awto sa miaging semana.

Ang 29-anyos nga Spence nagdrive sa iyang puti nga Ferrari didto sa Dallas niadtong Huwebes sa niaging semana diin pipila ka higayon kini nga nabalitok.

Matod sa taho nga ang Dallas Police Department mihimo og inbestigasyon kalabot sa hitabo, ug ilang nadesisyonan nga pasakaan og class B misdemeanor driving samtang hubog kini.

Suwerte si Spence, bag-ong unified welterweight champion, nga wa makaangkon og serious nga injury gawas lang sa pipila niya ka ngipon nga nangagupok ug wa mabalii og bukog.

Si Spence, sa nasayran, mipadayag sa iyang kaandam sa pagpakigsangka ni Filipino boxing icon Pacquiao human niya mapildi ug mapildi si Shawn Porter aron hiusahon ang WBC ug IBF welterweight titles. (JBM)