SAYOD si Kevin Love kon unsay umaabot kaniya ubos sa Cleveland Cavaliers, ang team nga taodtaod na niyang gialagaran.

Apan andam sa 6-10 nga shooter mipadayag sa iyang kaandam modawat kon unsa man ang desisyon sa management alang kaniya.

Ning pipila ka adlaw, si Love i-trade sa Cavaliers ug daghang mga teams ang interesado ug nag-atang aron makuha ang iyang serbisyo.

Lakip niini ang Portland, Dallas, Denver ug Miami.

Kini bisan pa man og duna pa siyay tulo ka tuig nga kontrata nga mokantidad ug $90 million. Wa usab malilong ngadto sa publiko ang isyu sa giingon nga aduna siyay panic attack ug giingon nga nagkanahanglan nga maatiman ang kalabot sa iyang mental health.

“I’m just going to let the chips fall,” matod ni Love. “I know that this is a young team. I think I can help them. I’m going to do right by Cleveland, the organization. This is a league where teams want to rebuild, teams want to go young but certain teams are looking for a piece, a guy who’s played in the finals, a guy who has playoff experience. I don’t know what’s going to happen, but I think it definitely lessens the burden and the anxiety.”

Sa pagkakaron, ang Cleveland naghupot og 5-12 nga baraha. (JBM)