NANUMPA sa katungdanan ang bag-ong napili nga mga opisyal sa Cebu Provincial PTA Federation niadtong Septiyembre 30, Biyernes, sa Ecotech Center, Sudlon, Barangay Lahug, dakbayan sa Sugbo.

Mapasalamaton si DepEd Superintendent Dr. Rhea Mar A. Angtud sa kooperasyon ug suporta sa mga ginikanan alang sa kaayuhan sa ilang mga anak diha sa mga tunghaan.

Dako og tabang ang suporta sa tanang ginikanan sa kalampusan sa ilang mga anak, dugang ni Dr. Angtud.

Ang bag-ong Provincial PTA Federation officers sa School Year 2019-2020: President: Dr. Isabelo R. Montejo (Argao), Secretary: Ana Germa Burden (Balamban), Treasurer: Marjussn B. Durog (Medellin), Auditor: Almar D. Gutierrez (Barili). Board of Directors: Geroncio M. Azucena (Consolacion), Rizally E. Aparre (Minglanilla), Cesar Busmion Jr. (Samboan), Ronalyn C. Carreon (Ronda), Gary A. Ponce (Sibonga), Chris Jesuani P. Delos Reyes (Alcoy), Gemma C. Lape (Asturias).

Mapasalamaton usab si Outgoing PTA Federation President Agnes Mendaros sa tanang suporta nga gihatag sa mga ginikanan sa iyang duha ka tuig nga termino.

Nidetalye usab si Mendaros sa tanang proyekto ug programa nga nahatag sa mga tunghaan sama sa tents, pintal ug tanang ayuda nga nahatag sa Provincial School Board sa panahon ni kanhi gobernador ug karon Bise Gob. Hilario “Junjun” Davide III. (PR, DepEd Cebu Province)