INTERESADO ang promotional outfit ni Manny Pacquiao nga kuhaon si Eumir Marcial sa ilang stable sa higayon nga makahukom na nga mag-professional fighter na kini.

Ang 5-8 nga middleweight boxer adunay impresibong record nga naglakip ang iyang pagka gold medalist sa Southeast Asian Games ug silver medalist sa 2019 AIBA World Boxing Championships.

Ning bag-ohay lang, nakalangkat na usab kini og lingkuranan alang sa Tokyo Olympics human sa iyang kadaugan sa Asia-Oceana Olympic qualifier.

“I’ve never met Eumir but I’ve seen him fight and I know all about him,” matod nid MP Promotions president Sean Gibbons nga nakutloan og pamahayag sa PhilBoxing.com.

“He’s the kind of fighter whom we’d like with MP Promotions. I know he fought in the final of the recent Asia/Oceania Olympic qualifying tournament in Jordan with a slight concussion and still won. That took a lot of guts and heart.

“He’s a strong puncher just like the Senator. And he fights for his country just like the Senator. When he’s ready to go pro, we’ll make sure to invite him to join MP Promotions.”

Sa pagkakaron, wala pa mosantop sa hunahuna ni Marcial nga mag-professional.

Anaa sa alimpatakan niini nga makalabni sa unang gold medal sa Philippines sa Olympics.

Iyang gipasabot nga ang iyang gitutokan sa pagkakaron mao ang Olympics.

Hinuon wa niya sirhi ang maong tanyag ug kon mokang-a ang oportunidad nga makahatag og dungog sa nasod, ngano man tuod nga kini iyang balibaran.

Gawas sa boxing nagserbisyo usab siya isip sundawo sa Air Force. (JBM)