Taliwala ning nagpadayon nga pandemya, usa ka birthday 3-cock derby ang ipahigayon karong Agusto 24, 2021, adlawng Martes sa Amenic Cockpit sa Barangay Calajuan, lungsod sa Minglanilla, Cebu.

Kini maoy gibutyag sa beteranong promoter nga si Pat Navarro, kinsa nagkanayon nga usa kini ka online derby nga dili abli sa publiko.

“Pasalamat ko sa nagdumala sa cockpit nga mitugot ug nakigtambayayong pa nato. Duna nay mga inilang derbiyesta ang mi-commit nga mopadala sa ilang entry,” matod ni Navarro, kansang derby nagsilbing pahinungod sa kasaulogan sa iyang adlawng natawhan.

Ang pot money sa nahisgutang derby mokantidad og P2,500 diin ang premyo moabot ngadto P300,000. Kini giayudahan ni Dongdong Ong, usa sa mga nag-unang derby promoter sa Sugbo. (JBM)