GIPAHIMANGNUAN ni conditioning coach Justine Fortune si World Boxing Organization (WBO) bantamweight champion Johnriel Casimero nga magmatngon nga dili kini masobrahan sa training.

Si Casimero, sama sa ubang mga atleta, miinat sa iyang training human nauswag ang umaabot niyang dakong away sa wala pa matino nga petsa gumikan sa padayong pagpanghudlat sa coronavirus (Covid-19).

“Casimero’s got to be careful not to burn out,” matod ni Fortune sa interbyu sa www.philboxing.com.

“He’ll need to adjust and slow down to train maybe, three or four days in a week. He should stay about 60 percent in shape then once the new fight date is confirmed, he’ll work to 100 percent in three to four weeks.”

Sa orihinal nga petsa, karon untang Abril 25 isugal ni Casimero ang iyang titulo alang sa World Boxing Association (WBA) ug International Boxing Federation (IBF) bantamweight titles ni Japanese Naoya “Monster” Inoue.

Madayon man tuod gihapon ang away sa laing petsa apan nagdepende ang tanan kon kanus-a mahuman ang pagpanghudlat sa Covid-19.

Dili ikalimod nga inilog si Inoue ning awaya apan gipasabot ni Fortune nga dili makumpiyansaan si Casimero, kinsa nag-training sa Amerika sulod na sa usa ka buwan.

“Inoue’s tough and very talented but Casimero’s a real warrior, going around the world, winning and not afraid to fight anyone, anywhere,” pasabot ni Fortune.

“(Nonito) Donaire beat up Inoue bad in their fight (last November) and it remains to be seen if Inoue has recovered completely. Inoue might not be the same anymore, he could get gun-shy.

People think Donaire’s past his prime but look at what he did to Inoue. This fight could go either way.” (ESL)