ADUNAY hinabang nga ihatag ang Philippine Basketball Association (PBA) ngadto sa mga nangabiktima sa pagbuto sa Taal Volcano.

Ang PBA mohatag og P1 million alang sa mga apektado ning maong katalagman gikan sa probinsya sa Batangas.

Si Commissioner Willie Marcial maoy nag-solicit sa tanang mga sakop sa PBA board aron pagtigom ning maong pundo.

Gawas sa pinansyal nga hinabang, ang PBA maghatag sab og 500 ka mga parisan sa tsinelas nga gikan sa tag-iya sa Blackwater Elite nga si Dioceldo Sy alang sa mga biktima.

“Tingnan pa natin kung may madagdag pa tayong mga shirts and other immediate needs nung mga kababayan natin na nasalanta ng Taal eruption,” asoy ni Marcial nga napatik sa PBA.PH.

Matod ni Marcial nga ang Batangas City Sports Center, nga maoy venue kon adunay out-of-town game sa PBA ning maong probinsya, maoy nagsilbeng temporaryo nga pinuy-anan sa mga biktima.

“Punung-puno ng tao yung coliseum kaya tutulungan din natin kahit paano yung kasalukuyang mga naka-shelter doon,” pasabot ni Marcial. (ESL)