TATAW ang kahinam sa mga sumosunod sa New Orleans Pelicans sa pagbisita sa 2019 No.1 overall pick sa National Basketball Association (NBA) nga si Zion Williamson sa team headquarter kagahapon.

Nagsaulog ang mga sumosunod sa kadalanan sa downtown New Orleans isip paghangop ni Williamson, kinsa miabot kauban ang iyang pamilya.

Hasta si Pelicans coach Alvin Gentry ug ang tag-iya sa team nga si Gayle Benson wala nakapugong sa kahinam nga ilang gibati nga daw gusto na nilang makita si Williamson nga moagak sa ilang puwersa.

Apan alang kang Williamson, dili siya angayang tratuhon og sama niini gumikan kay wala pa siya’y napamatud-an. (AP)