ANG mga atleta sa Pardo Elementary School (PES) ninglangkat og bulawang medalya sa 4x100 meter relay sa Olympics for Special Children sa Cebu City Sports Center niadtong Sabado sa buntag, Agusto 17, 2019.

Ang mga mananaog mao sila si Yassi Dominique Gravinez, Margareth Salonoy, Georgina Cinco ug Daniella Driannah Dequinto.

Ang kalihokan gisalmotan sa mga bata nga dunay espisyal nga panginahanglan nga gipaubos sa special training program nga gipasiugdahan sa Quota International of Metro Cebu (QIMC) sa pakigtambayayong sa Department of Education.

Ang special training program gipangulohan nila ni coach Philip Dueñas ug Cebu Olympian marathoner Mary Joy Tabal.

Minglabni sa overall title ang Zapatera Integrated Sped School unya nagsunod ang Bulacao Community School ug PES. (SCG)