ANG Thailander nga philanthropist nga si Naris Singwangcha ang mipadala na sa iyang ayuda alang sa mga world boxing champions sa Pilipinas.

Iya kining gipadala niadtong Mayo 27 ngadto sa promoter-manager nga si Brico Santig sa Highland kinsa nabase sa Thailand apan atol pa karon sa Benguet natanggong tungod sas lockout.

Ipadala kini ni Santig ngadto sa Games and Amusement Board (GAB) aron mao nay mohatag sa P30,000 nga ayudad ngadto sa mga kanhi world champions.

Ang mga benepisyaries mao sila si WBC super featherweight champion Rolando Navarette, Rolando Pascua (WBC World light flyweight), Tacy Macalos (International Boxing Federation world flyweight), Eric Chavez (IBF World minimumweight), Joma Gamboa (WBA World Flyweight), Bernabe Villacampo (WBA flyweight), Rene Barrientos (WBC super featherweight), Erbito Salavarria (WBC flyweight), Ben Villaflor (WBA super featherweight), Dodie Boy Penalosa (IBF light flyweight) ug Luisito Espinosa (WBA bantamweight).

Si GAB Chairman Baham Mitra mao nay mopahibawo kanus-a o unsaon sa pagpanghatag ang ayuda.

Kining kinasingkasing nga gihimo ni Singwancha nagsugod niadtong Hunyo 2018 sa tag P3,000 nga binuwang assistance ngadto sa mga kanhi world champions.

Apan tungod kay ang iyang mga negusyo naigo man sa pandemic temporaryo nga iya ang una kining ihunong. (JBM)