KADAUGAN maoy gilihi sa defending champion R. Queens human mila mapukan ang I&R Logistics, 93-77, sa pagsugod sa 5th Alin Cup niadtong Lunes sa Cebu Ports Authority (CPA) gym sa Reclamation Area, dakbayan sa Sugbo.

Sa laing duwa, gipakaging sa Macbar ang Central Philippines, 85-78.

Perming naglabaw ang R. Queens apan nakabaton kini og dakong hulga sa dihang misikit ang Logistics, 66-67, sa nahabiling 7:26 segundos sa fourth quarter.

Apan ang panagkumboya nila ni Israel Alin, Jimboy Filoteo ug John Abinales maoy mipasutoy sa R. Queens aron iwanang ang ilang kadaugan.

Sa laing duwa, mihakot og 20 puntos si Ryan “RB3” Barral aron pangulohan ang Macbar. Nakatampo usb og 17 puntos ang kanhi commercial player nga si Lyric Into.

Puntos matag usa:

Unang duwa:

R. Queens (93) - Filoteo 24, Abinales 24, Colegado 16, I. Alin 13, Vasquez 8, Toring 6, Pogonia 2. I&R (77) - Diez 15, Perolino 12, Laurel 12, Semblante 11, Bihag 8, Alin 7, J. Alin 6.

Ikaduhang duwa:

Macbar (85) - Barral 20, Into 17, Palero 12, Estorgio 11, Castillo 7, Enolpe 6, J. Barral 2, Capao 2, Raya 2, Quirante 2, Barral 1. Central Phils. (78) - Singson 19, Quiros 15, Castillo 14, Calo 10, Belandres 6, Tradio 6, Labrador 4, Nudalo 2, Alivio 2. (PR)