Si Gilberto Ramirez naglaum nga iyang mahimo ang wa makab-ot sa iyang kababayan nga Mexican nga si Canelo Alvarez nga mao ang pagpilde kang Dmitry Bivol.

Si Ramirez makaangkon sa kahigayunan nga dugay na niyang gitinguha karong adlawa, Nobiyembre 5 sa iyang pagsuway sa pag-ilog sa bakus ni Bivol sa ilang binukbokay alang sa WBA light heavyweight division sa Etihad Arena sa Abu Dhabi sa DAZN.

Ang 31 anyos nga si “Zurdo” Ramirez (44-0, 30KOs) nikab-ot sa kahigayunan sa pagpakig-away kang Bivol (20-0, 11KOs) pinaagi sa pag-angkon isip mandatory challenger.