MAGAMIT na isip quarantine facility alang sa mga pasyente sa makalilisang nga coronavirus disease (Covid-19) ang Rizal Memorial Complex sugod karong adlawa.

Mao kini ang gibutyag ni National Task Force (NTF) against COVID-19 Chief Implementer Carlito G. Galvez, Jr.

"The Rizal Memorial Complex will be operationalized by Monday. We will inspect it and ensure the quality of its facilities," matod ni Galvez sa usa ka teleconference nga napatik sa www.abs-cbnnews.com

Ang Philippine General Hospital mosugod na sa pagbalhin sa ilang asymptomatic ug symptomatic Covid-19 nga mga pasyente ugma.

"Our strategy is to transfer patients with mild Covid-19 symptoms," pasabot ni Galvez.

"It will also be manned by three doctors and 50 nurses from the Armed Forces of the Philippines and Philippine National Police medical services."

Ang Rizal Memorial Complex usa lang sa ubay-ubay nga sporting venues nga nahukman nga himuong quarantine facilities aron dili na maghuot ang mga pasyente sa Covid-19 sa nagkadaiyang mga ospital sa Metro Manila. (ESL)