NAKASEGURO na og duha ka bronze medals ang Pilipinas human nakasulod sa semi-finals ang men’s ug women’s poomsae teams niini sa taekwondo sa 18th Asian Games kagahapon sa Jakarta, Indonesia.

Sila si Dustin Jacob Mella, Jeordan Dominguez ug Rodolfo Reyes Jr. misugod sa ilang kampanya sa men’s competition pinaagi sa paglupig sa Saudi Arabia squad sa round of 16.

Gisundan kini sa mga Pinoy og laing kadaugan batok sa Iran sa quarter-finals.

Sa women’s division, ang mga Pinay nga sila si Juvenile Faye Crisostomo, Rinna Babanto ug Janna Dominique Oliva misugod sa ilang tahas pinaagi sa pagbuntog sa Hong Kong.

Nakaabante sa semi-finals ang mga Pinay pinaagi sa paglupig sa host Indonesia squad sa quarter-finals.

Apan sa semi-finals, napilde ang mga Pinay batok sa powerhouse China.

Ning pagsuwat, wala pa’y resulta sa semi-finals nga tahas sa RP men’s team batok sa Korea.

Ang taekwondo maoy labing unang nakatunol og medalya sa Pilipinas. (ESL)