NAGPABILING masaligon ang defending champion San Miguel Beermen nga molampos sila pagdepensa sa Philippine Basketball Association (PBA) Philippine Cup title bisan nasugamak sila sa 86-82 nga kapildihan batok sa Magnolia Pambansang Manok Hotshots, 86-82, sa Game 3 sa finals series niadtong Dominggo sa gabii sa Araneta Coliseum.

Ang kapildihan maoy nakapaunlod sa Beermen ngadto sa 1-2 nga biya sa best-of-seven series.

Apan giklaro sa usa sa mga pambato sa Beermen nga si Arwind Santos nga wala nakapaubos sa ilang moral ang maong kapildihan.

“Wala yan, hindi kami kinakabahan sa ganyan,” matod ni Santos sa interbyu sa Spin.ph.

“Ita-tie lang namin yan, sisiguraduhin namin na mananalo kami ng Game 4. Tapos best-of-three ang usapan.”

Labing seguro, nasayod ang Hotshots nga adunay unod ang mga gipangbatbat ni Santos hinungdan nga dili sila angayang mokompiyansa bisa’g gamay batok sa Beermen, nga nagtinguha sa ikalima nilang sunodsunod nga Philippine Cup title.

“Nainis nga kami nung huli, kasi up kami ng seven or eight, akala namin panalo na kami,” asoy sa usa sa mga sinaligang pointguard sa Hotshots ngi Mark Barroca.

“Dapat hindi kami maging kampante. Hangga’t hindi pa nagba-buzzer. Yung heart talaga nila hangga’t hindi pa nagba-buzzer, parang may chance pa talaga sila.”

Sa Game One, gipakaging sa Magnolia ang Beermen, 86-82, apan nakabawi ang San Miguel sa Game 2, 108-101. (ESL)