Nakatilaw sa ilang ikatulong sunodsunod nga kapildihan ang Adelaide 36ers human kini gipayaka sa Perth Wildcats, 112-97, niadtong Sabado sa 2022-23 NBL season sa RAC Arena.

Nagkalisod ang Filipino big man nga si Kai Sotto ug igo lang kini nakahimo og upat ka puntos sa 2-of-6 shooting ubanan sa duha ka rebounds ug duha ka blocks sulod sa 10 minutos nga playing time.

Si Bryce Cotton adunay 23 puntos, lima ka rebounds ug upat ka assists, samtang si Corey Webster ug Tashawn Thomas nibuhat og 17 alang sa Wildcats.

Nahagsa ngadto sa 11-12 rekord ang Adelaide. (RSC)