BISAN karon pang Abril 16, 2022 ang ilang away ni World Boxing Association (WBA) welterweight champion Cuban Yordenis Ugas, si American Errol Spence Jr. naghisgot na kabahin sa sunod niyang away nga daw segurado na ang iyang kadaugan batok kang Ugas.

“At the end of the day, I want to be the undisputed welterweight champion of the world,” matod ni Spence nga napatik sa www.philboxing.com.

Si Spence maoy tag-iya sa World Boxing Council (WBC) ug International Boxing Federation (IBF) welterweight belts.

Matod ni Spence nga human ni Ugas, tinguha niyang ilugon ang bakus sa iyang kababayang si World Boxing Organization (WBO) welterweight king Terence Crawford.

“This is another step toward that goal. I’ve been the shot caller. I’m the big fish at 147,” dugang ni Spence.

Gipasabot ni Spence nga masaligon siyang matuman niya ang iyang ambisyon karong tuiga.

“I feel very sharp right now. In my last couple of fights, I could only train for about two months,” batbat ni Spence.

“But I’ve been in the gym for the last six months getting ready for this.”